ბათუმში პოლიციის მოთხოვნით სასამართლოში 12 აქტივისტი დაიბარეს, რომელთა შორის არიან სტუდენტები, პოლიტიკოსები და სამოქალაქო აქტივისტები. როგორც შსს-ში განმარტავენ, მათ ბრალი ედებათ ადმინისტრაციულ სამართალდარღვევებში, რაც უკავშირდება გზის გადაკეტვასა და საპროტესტო აქციების ორგანიზებას.
სასამართლოში დაბარებულთა სიაში შედიან: გოგიტა სოლომონიძე; დარიკო ჩიტაძე; ელგუჯა ბაგრატიონი; ირმა კომახიძე; ირაკლი ჯორბენაძე; ნიკოლოზ მირცხულავა; აზა გაბუნია; ირმა ზოიძე; ლევან გორგილაძე; ვაჟა დარჩია; ლარა ქარცივაძე; თორნიკე კაკალაძე.
სასამართლოში დაბარებულების ინტერესებს “საქართველოს ახალგაზრდა იურისტთა ასოციაცია” იცავს. არასამთავრობო ორგანიზაციის ცნობით, საქმე ეხება ბათუმის პოლიციის რამდენიმე განყოფილების მიერ წარდგენილ საჩივრებს, რაც აქტივისტების მიმართ მიზანმიმართულ პოლიტიკურ ზეწოლას ადასტურებს.
