2024–2025 წლების წარმატებული სეზონის დასრულების შემდეგ, „რაგბის კლუბი ბათუმის“ რიგები 12 მორაგბემ დატოვა. შესაბამისი ინფორმაცია კლუბმა სოციალურ ქსელებში გაავრცელა.
შეგახსენებთ, რომ მიმდინარე სეზონში „რაგბის კლუბი ბათუმი“ საქართველოს რაგბის ტოპ ლიგაში — „დიდი 10“-ში ჩემპიონი გახდა, რაც კლუბისთვის მნიშვნელოვანი მიღწევაა. მიუხედავად გამარჯვებისა, ახალ სეზონს გუნდი მნიშვნელოვანი საკადრო ცვლილებებით ხვდება.
კლუბიდან წასულ მორაგბეთა სია ასე გამოიყურება:
- დარილე კამელი
- მანუელ რატუნირავა
- ნიკო აფციაური
- კონსტანტინე კეშელავა
- გიორგი მოსულიშვილი
- სერგი ჩხაიძე
- ირაკლი მახარაძე
- ბექა ურჯუკაშვილი
- კობა ბუჯიაშვილი
- ლუკა ვადაჭკორია
- ვიტალი ირემაძე
- ჯაბა შათირიშვილი
გუნდის ხელმძღვანელობა წასულ მოთამაშეებს მადლობას უხდის გაწეული შრომისთვის და წარმატებებს უსურვებს კარიერის მომავალ ეტაპზე.
„რაგბის კლუბი ბათუმი“ უახლოეს პერიოდში სავარაუდოდ ახალწვეულების შესახებაც გაავრცელებს ინფორმაციას. ჯერჯერობით უცნობია, როგორ აისახება არსებული ცვლილებები გუნდის თამაშის სტილზე და განახლებულ შემადგენლობაზე.
ბათუმის კლუბი მომავალ სეზონშიც ჩემპიონობისთვის ბრძოლის განწყობით ემზადება და გულშემატკივრებს ახალი ამბებით უახლოეს მომავალში შეატყობინებს.
ავტორი: დიმიტრი გორგილაძე
