სარფში, მებაჟე ოფიცრებმა არადეკლარირებული ოქროს ნაკეთობები აღმოჩინეს, ამის შესახებ ინფორმაციას შემოსავლების სამსახური ავრცელებს.
უწყების ცნობით, უცხო ქვეყნის მოქალაქეების ეჭვის საფუძველზე, როგორც ფიზიკური, ასევე კუთვნილი ბარგის დათვალიერების შედეგად, არადეკლარირებული ოქროსა და ვერცხლის ნაკეთობები (ოქროს ნაკეთობების საერთო წონა – 357,87 გრამი და ვერცხლის ნაკეთობების საერთო – წონა 60,23) აღმოაჩინეს.
“არადეკლარირებული საქონლის საერთო საბაჟო ღირებულებამ 73 798,07 ლარი შეადგინა. საქმის მასალები, შემდგომი რეაგირების მიზნით, ფინანსთა სამინისტროს საგამოძიებო სამსახურს გადაეცა,” – წერია გავრცელებულ ინფორმაციაში.
