AJARATIMES.GE-ის ინფორმაციით, ბათუმში, გორგილაძის ქუჩაზე ხანძარი იყო. ცეცხლი მრავალსართულიანი კორპუსის ერთ-ერთ ბინაში გაჩნდა. “აჭარა თაიმსს” შემთხვევის ადგილზე უთხრეს, რომ მეპატრონეს გაზქურაზე საკვები დარჩა ჩართული, საიდანაც ცეცხლის კერა გავრცელდა.
ადგილზე მეხანძრე მაშველები მივიდნენ. საგანგებო და გადაუდებელი სიტუაციების სამსახურში განაცხადეს, რომ ხანძარი ამ დროისათვის ლიკვიდირებულია, შედეგად არავინ დაშავებულა.
