ვიტორ გაბრიელმა, „საფეხბურთო კლუბი გონიო“ დატოვა – ინფორმაციას კლუბი სოციალურ ქსელში ავრცელებს. როგორც „ს/კ გონიო“ ამბობს, ფეხბურთელმა კლუბი ორმხრივი შეთანხმების საფუძველზე დატოვა.
„ორმხრივი შეთანხმების საფუძველზე კლუბი დატოვა ვიტორ გაბრიელმა, მადლობას ვუხდით კლუბის სახელით და წარმატებებს ვუსურვებთ. Muito obrigado Vitor Gabriel desejo para voce uma boa sorte na caminhado“ – წერია „ს/კ გონიოს“ განცხადებაში.
27 წლის ბრაზილიელი, „გონიოს“ 2025 წლის მარტში შეუერთდა, და ცენტრალური თავდამსხმელის პოზიციაზე თამაშობდა. ვიტორმა „ს/კ გონიოს“ მაისურით, ცხრა მატჩი (ჯამში 254 წუთი ითამაშა) ჩაატარა, ამ დროის მანძილზე ბრაზილიელის ანგარიშზე მხოლოდ ორი ყვითელი ბარათია. ჯერ-ჯერობით უცნობია თუ სად გააგრძელებს კარიერას ვიტორ გაბრიელი.
