საქსტატის ინფორმაციით, 2023 წლის IV კვარტალში 137.4 ათასი სული პირუტყვი დაიკლა, საიდანაც 35.4 პროცენტი – მსხვილფეხა რქოსანი პირუტყვი, 58.0 პროცენტი – ღორი, ხოლო 4.8 პროცენტი ცხვარი და თხა იყო, ამავე პერიოდში სასაკლაოებში 17.0 ათასი ტონა ხორცი იქნა წარმოებული, საიდანაც 34.3 პროცენტი მოდის მსხვილფეხა რქოსანი პირუტყვის ხორცზე.
“საანგარიშო პერიოდში მომსახურება გაეწია 11.1 ათას პირს, საიდანაც 45.5 პროცენტი შინამეურნეობების (ოჯახური მეურნეობები) სახით იყვნენ წარმოდგენილნი. სასაკლაოებში დასაქმებულთა საშუალო თვიურმა რაოდენობამ 1 073 კაცი შეადგინა. ერთეული პირუტყვის დაკვლაზე მომსახურების საშუალო ფასი შეადგენს: მსხვილფეხა რქოსანი პირუტყვის დაკვლის საფასური – 35.7 ლარი, ცხვრის ან თხის დაკვლის საფასური – 13.9 ლარი, ხოლო ღორის დაკვლის საფასური – 30.2 ლარი,” – წერია საქსტატის კვლევაში.
2023 წლის მონაცემებით საქართველოში, 124 ერთეული ცხოველთა და ფრინველთა სასაკლაო ფუნქციონირებდა, მათგან 17.7 პროცენტი მდებარეობს კახეთში, 16.9 პროცენტი ქვემო ქართლში, 16.1 პროცენტი – შიდა ქართლში, 14.5 პროცენტი – იმერეთში, 11.3 პროცენტი – სამეგრელო-ზემო სვანეთში, 8.9 პროცენტი მცხეთამთიანეთში, ხოლო 14.5 პროცენტი – სხვა რეგიონებშია განთავსებული.
