საგამოძიებო მოქმედებების შედეგად, რუსეთის ფედერაციის მოქალაქე, 2007 წელს დაბადებული პ.პ., დააკავეს. ის ბრალდებულია არასრულწლოვნის გამოსახულების შემცველი პორნოგრაფიული ნაწარმოების შეძენა-შენახვა-ფლობაში, წინასწარი შეცნობით.
გამოძიების ცნობით, ბრალდებულმა აღნიშნული მასალა პირადი სარგებლობის მიზნით შეიძინა, ფლობდა და ინახავდა საკუთარ პერსონალურ კომპიუტერში. პოლიციამ მისი საცხოვრებელი ბინის ჩხრეკისას კომპიუტერული ტექნიკა და მობილური ტელეფონი ნივთმტკიცების სახით ამოიღო.
დანაშაული, რომლის ჩადენაშიც პ.პ.-ს ედება ბრალად, საქართველოს სისხლის სამართლის კოდექსის 255-ე მუხლის მე-3 ნაწილით არის გათვალისწინებული და ისჯება 5-დან 10 წლამდე ვადით თავისუფლების აღკვეთით. გამოძიება გრძელდება არასრულწლოვანთა სექსუალური ექსპლუატაციის წინააღმდეგ საქართველოს კანონმდებლობის შესაბამისად.
