შსს ცნობით, არასრულწლოვნის მიმართ ჯგუფურად განხორციელებული ძალადობისა და ყაჩაღობის ბრალდებით ორი პირი – 1986 წელს დაბადებული გ.მ. და 1990 წელს დაბადებული გ.ხ. დააკავეს. ორივე მათგანი წარსულში ნასამართლევია.
გამოძიების ინფორმაციით, ქობულეთში, რუსეთის ფედერაციის მოქალაქეს 2010 წელს დაბადებულ ვ.ს.-ს ბრალდებულებმა ფიზიკური ძალადობის გამოყენებით ყაჩაღურად გასტაცეს ხელჩანთა. არასრულწლოვანმა წინააღმდეგობის გაწევისას ჩანთის დაბრუნება მოახერხა, რის შემდეგაც თავდამსხმელებმა კვლავ იძალადეს მასზე. ამასთან, გ.მ.-მ დანის გამოყენებით არასრულწლოვანს სხეულზე დაზიანებები მიაყენა. შემთხვევის შემდეგ ორივე დამნაშავე მიიმალა.
დაშავებული არასრულწლოვანი კლინიკაში მოათავსეს და შესაბამისი სამედიცინო დახმარება გაეწია.
პოლიციამ ბრალდებულები მალევე დააკავა. მათ წინააღმდეგ გამოძიება საქართველოს სისხლის სამართლის კოდექსის 126-ე მუხლის პირველი პრიმა ნაწილით (ძალადობა) და 179-ე მუხლით (ყაჩაღობა) მიმდინარეობს. დანაშაულები ცხრამდე წლით თავისუფლების აღკვეთას ითვალისწინებს.
