ფრენბურთის კლუბ „ბათუმის“ ქალთა და კაცთა გუნდები საქართველოს ვიცე-ჩემპიონები გახდნენ. უმაღლესი ლიგის ფინალში ქალთა გუნდი „ევროპის უნივერსიტეტის“ გუნდს დაუპირისპირდა და მატჩი სეტების ჯამში 2:3 წააგო.
„ფ/კ ბათუმის“ კაცთა გუნდი ფინალში „ცაგერს“ შეხვდა და შეხვედრა 0:3 დათმო. როგორც ცნობილია, „ფ/კ ბათუმის“ გუნდებმა უმაღლესი ლიგის რეგულარული სეზონი სატურნირო ცხრილის სათავეში დაასრულეს.
ქალთა გუნდმა ჩემპიონატში 32 ქულით მეორე ადგილი დაიკავა. მთლიანობაში მათ 11 შეხვედრა მოიგეს და მხოლოდ სამში დამარცხდნენ. კაცთა გუნდმა რეგულარული სეზონი პირველ ადგილზე დაასრულა – 53 ქულით, 18 მოგებითა და არც ერთი წაგებით.
ავტორი: დიმიტრი გორგილაძე
