15 ივლისს ბათუმში ქვიშის ფეხბურთში Euro Beach Soccer League 2026 დაიწყო. საქართველოში ჩემპიონატის B დივიზიონის (B Division) მატჩები 19 ივლისის ჩათვლით გაიმართება.
ტურნირში შვიდი გუნდი მონაწილეობს, რომლებიც A და B ჯგუფებში არიან გადანაწილებული. A ჯგუფში ასპარეზობენ საქართველო, მალტა და ნორვეგია, ხოლო B ჯგუფში, ლატვია, აზერბაიჯანი, ინგლისი და სლოვაკეთი.
Euro Beach Soccer League 2026-ის პირველი შეხვედრა 15 ივლისს, 17:00 საათზე გაიმართება, სადაც სლოვაკეთი ლატვიას დაუპირისპირდება. რაც შეეხება საქართველოს ნაკრებს, იგი ტურნირზე პირველ შეხვედრას ნორვეგიის წინააღმდეგ გამართავს. მატჩი 15 ივლისს, 20:00 საათზე დაიწყება. ტურნირის შეხვედრები ბათუმის ქვიშის არენაზე ჩატარდება.
ქვიშის ფეხბურთის ევროპის ჩემპიონატის ჯგუფური ეტაპი 15-17 ივლისს გაიმართება, რის შემდეგაც 18-19 ივლისს პლეი-ოფის მატჩები და ფინალი ჩატარდება.
აღსანიშნავია, რომ A ჯგუფში ასევე რუმინეთის ნაკრებსაც უნდა ეასპარეზა, თუმცა ტურნირის დაწყებამდე რამდენიმე დღით ადრე რუმინეთი შეჯიბრებას გამოეთიშა. ზუსტი მიზეზი Beach Soccer Worldwide (BSWW)-ისთვისაც უცნობია.
ავტორი: დიმიტრი გორგილაძე
