აჭარის მთავრობის არალეგიტიმურმა თავმჯდომარემ, თორნიკე რიჟვაძემ, თანამდებობის დატოვების გადაწყვეტილება მიიღო. ამის შესახებ ის სოციალურ ქსელში წერს.
რიჟვაძემ მადლობა გადაუხადა „ქართული ოცნების“ ლიდერებსა და მხარდამჭერებს და აღნიშნა, რომ რჩება პარტიის ერთგულ წევრად.
“მივიღე გადაწყვეტილება აჭარის ავტონომიური რესპუბლიკის მთავრობის თავმჯდომარის თანამდებობის დატოვების შესახებ. მეშვიდე წელია ვიკავებ აღნიშნულ პოზიციას. დროა სიახლის და მინდა წარმატება ვუსურვო მომავალ თავმჯდომარეს. მინდა მადლობა გადავუხადო ,,ქართული ოცნების” დამფუძნებელს, ბატონ ბიძინა ივანიშვილს, შესაძლებლობისთვის მემსახურა ჩემი კუთხისთვის. მადლობა მინდა გადავუხადო საქართველოს პრემიერ-მინისტრს ბატონ ირაკლი კობახიძეს, საქართველოს პრეზიდენტს, ბატონ მიხეილ ყაველაშვილს მთავრობის თავმჯდომარეობის პერიოდში გაწეული მხარდაჭერისთვის. მადლობა თითოეულ თანამშრომელს, პარტიის წევრებს, გუნდს. განსაკუთრებული მადლობა აჭარის მოსახლეობას გამოცხადებული ნდობისთვის. ვრჩები ,,ქართული ოცნების”ერთგულ ჯარისკაცად და დარწმუნებული ვარ არაერთი დიდი გამარჯვება გველის წინ,” – წერს სოციალურ ქსელში თორნიკე რიჟვაძე.
თორნიკე რიჟვაძემ შვილები კერძო, ძვირადღირებულ სკოლაში გადაიყვანა
რა კაპიტალი ჰქონდა თანამდებობამდე თორნიკე რიჟვაძეს და რა აქვს ახლა
