ბათუმში მუნიციპალური ავტობუსებით მგზავრობის საფასურის გაზრდა იგეგმება. შესაბამისი დადგენილების პროექტი უკვე მომზადებულია და იგი „ქართული ოცნების“ ბათუმის საკრებულოს განსახილველად წარედგინა.
დოკუმენტის მიხედვით, მუნიციპალურ ავტობუსებში (M3 კატეგორია) მგზავრობის ტარიფი 0.70 ლარით განისაზღვრება.
განმარტებით ბარათში აღნიშნულია, რომ ტარიფის გადახედვის აუცილებლობა დაკავშირებულია მუნიციპალური ავტოპარკის განახლებასთან, მომსახურების ხარჯების ზრდასთან, მათ შორის საწვავისა და ტექნიკური მომსახურების გაძვირებასთან.
საკითხ საკრებულო მორიგ სხდომაზე განიხილავს. ამ ეტაპზე ბათუმის მუნიციპალური ტრანსპორტით მგზავრობა 30 თეთრს შეადგენს.
ფაქტის დაკანონება? ბათუმის საკრებულო მიკროავტობუსების თვითნებურ ტარიფს განიხილავს
