„აჭარა თაიმსის“ ინფორმაციით, აჭარის კულტურის მინისტრის მოადგილეს თავს დაესხნენ.
თანაგუნდელების ინფორმაციით, ზაურ ახვლედიანი ხელოვნების მუზეუმში ღონისძიებას ესწრებოდა, რა დროსაც უცნობმა კაცმა მას ჯერ სიტყვიერი, შემდეგ კი ფიზიკური შეურაცხყოფა მიაყენა.
როგორც ჩვენი წყაროები გვიყვებიან, დაპირისპირება რამდენიმე წუთში ხელოვნების მუზეუმის მიმდებარე ტერიტორიასა და ბათუმის მერიის წინ გაგრძელდა. კონფლიქტში ჩართულ პირებს გარშემომყოფები აშველებდნენ.
თავდასხმის ფაქტი „აჭარა თაიმსს“ ზაურ ახვლედიანმა დაუდასტურა, თუმცა, მისი თქმით, მომხდარის მოტივზე საუბარი არ სურს.
ზაურ ახვლედიანის განცხადებით, თავდამსხმელი ტერიტორიიდან განარიდეს, ხოლო თავად პოლიციისთვის არ მიუმართავს.
„აჭარა თაიმსის“ ინფორმაციით, პირი, რომელიც ზაურ ახვლედიანს თავს დაესხა, აჭარის კულტურული მემკვიდრეობის დაცვის სააგენტოს ყოფილი თანამშრომლის ოჯახის წევრია.
აჭარის კულტურის სამინისტროს საზოგადოებასთან ურთიერთობის სამსახურში მომხდარი ფაქტი უარყვეს, მიუხედავად იმისა, რომ ღონისძიებას ესწრებოდნენ და ამ ფაქტის თვითმხილველებიც იყვნენ.
დაკავშირებული თემები 🔻
ბათუმში მაღალჩინოსნების ფიზიკური დაპირისპირებიდან ერთი კვირა გავიდა – შსს არ ამბობს გამოძიების მუხლს
ოთხი ახალი ავტომობილი აჭარის კულტურის სამინისტროსთვის
კურსელი მოადგილედ – საკადრო ცვლილებები აჭარის კულტურული მემდვიდრეობის დაცვის სააგენტოში
