აჭარის მთავრობის მორიგი სხდომა, რომელიც კანონით ღია უნდა იყოს, ამჯერად დახურულ ფორმატში გაიმართა – მედიის მონაწილეობის გარეშე. სხდომის ჩატარების შესახებ საზოგადოებამ მხოლოდ მთავრობის ადმინისტრაციის მიერ სოციალურ ქსელში გავრცელებული ინფორმაციით გაიგო.
მთავრობის არალეგიტიმური თავმჯდომარე, სულხან თამაზაშვილი, კვლავ თავს არიდებს მედიის კითხვებს და საჯარო კომუნიკაციას.
ცნობისთვის: სულხან თამაზაშვილი აჭარის უმაღლესი საბჭოს თვითგამოცხადებულმა დეპუტატებმა იზოლირებულ გარემოში აირჩიეს, პროცესი არც პირდაპირ ეთერში გადაცემულა. სხდომაზე ჟურნალისტები არ დაუშვეს. როგორც ცნობილია, მათ დარბაზში შესვლის უფლება თვითგამოცხადებულმა თავმჯდომარემ, დავით გაბაიძემ არ მისცა.
ინფორმაციისთვის: „ქართული ოცნების“ ხელისუფლების პირობებში მთავრობის სხდომების ნაწილი დახურულ ფორმატში მხოლოდ თორნიკე რიჟვაძის მმართველობისას ტარდებოდა. ის ბოლო წლებში ხშირად არ აკეთებდა კომენტარს მედიასთან და სხდომის დასრულების შემდეგ დარბაზს უკანა კარით ტოვებდა.
