ბათუმის შოთა რუსთაველის სახელმწიფო უნივერსიტეტის რექტორი, ტიტე აროშიძე ერთთვიან შვებულებაში გავიდა. ამის შესახებ ინფორმაცია მან „აჭარა თაიმსთან“ საუბარში დაადასტურა. აროშიძის თქმით, ის კუთვნილ ანაზღაურებად შვებულებაში იმყოფება და აღნიშნულ გადაწყვეტილებას განსაკუთრებული მიზეზი არ აქვს.
„კანონის თანახმად, შვებულებაში ვარ, დასვენება მინდა. სხვა რა მიზეზი უნდა იყოს? როგორც წესი, თქვენ წინასწარ იცით ყველაფერი, რამე გაიგეთ ჩემზე? მითხარით… არ დამიმალოთ… არსად ვაპირებ წასვლას,“ – განაცხადა ტიტე აროშიძემ „აჭარა თაიმსთან“.
ცნობისთვის: ბათუმის შოთა რუსთაველის სახელმწიფო უნივერსიტეტის აკადემიურმა საბჭომ სამთავრობო კანდიდატი, ტიტე აროშიძე რექტორად 2025 წლის, 21 იანვარს აირჩია. მას მხარი დაუჭირა აკადემიური საბჭოს წევრმა პაატა აროშიძემ, რომელიც მისი ძმაა. მაშინ, საბჭოს სხდომაზე კანდიდატების მიმართ საგნობრივი შეკითხვები ან შენიშვნები პრაქტიკულად არ გაჟღერებულა. კანდიდატების სამოქმედო გეგმების მოსმენის შემდეგ კი აკადემიური საბჭოს წევრებმა ტაში მხოლოდ ტიტე აროშიძეს დაუკრეს. მანამდე ტიტე აროშიძე „ქართული ოცნების“ წევრი იყო.
- 10 მომხრე და არცერთი წინააღმდეგი | ბსუ-ის რექტორად ტიტე აროშიძე აირჩიეს
- ძმა ძმისთვის: ინტერესთა კონფლიქტი ბსუ-ის რექტორის არჩევნებში
ინფორმაციისთვის: საქართველოში დამკვიდრებული პრაქტიკის თანახმად, თანამდებობის პირები ხშირად ერთთვიან შვებულებაში მაშინ გადიან, როდესაც ისინი დაკავებული პოზიციის დატოვებას აპირებენ ან იმ დროს, როცა მას გათავისუფლებას უპირებენ.
„აჭარა თაიმსისთვის“ ასევე, ცნობილი ხდება, რომ ბათუმის შოთა რუსთაველის სახელმწიფო უნივერსიტეტის რექტორის მოადგილემ, მერაბ ხალვაშმა თანამდებობა დატოვა. ხალვაში აცხადებს, რომ გადაწყვეტილება პირადად მიიღო.
გარემოება: გადაწყვეტილებამდე მერაბ ხალვაში ერთთვიან შვებულებაში იმყოფებოდა, რომლის ამოწურვის შემდეგაც თანამდებობის დატოვების გადაწყვეტილება მიიღო. აღსანიშნავია, რომ მანამდე მერაბ ხალვაში ბსუ-ს რექტორი იყო. მაშინ, ხალვაშის უნივერსიტეტში დარჩენისთვის ტიტე აროშიძემ დებულებაში ცვლილება შეიტანა, რის შედეგადაც მოადგილის მესამე შტატი შეიქმნა.
- ტიტე აროშიძემ მერაბ ხალვაში მოადგილედ დაინიშნა
- მერაბ ხალვაში სტუდენტებისა და ლექტორების წინააღმდეგ
- ბსუ-ს რექტორი “ქართული ოცნების” სამსახურში ⇓
საკადრო ცვლილებების ფარგლებში, თანამდებობა დატოვა მარინა გიორგაძემაც, ბსუ-ის სტრატეგიული განვითარებისა და საერთოშორისო ურთიერთობების დეპარტამენტის უფროსმა, რომელიც ჩვენი ინფორმაციით, რეოგანიზაციისა და დეპარტამენტის ორ ნაწილად გაყოფის წინააღმდეგი იყო. პროფესორთან დაკავშირება ვერ შევძელით, ის საქართველოში არ იმყოფება.
აქვე დაგაინტერესებთ: ორგანიზაცია „სამართლიანი არჩევნებმა“ ბსუ-ის რექტორის არჩევნების შედეგების ბათილად ცნობის მოთხოვნით სასამართლოში სარჩელი წარადგინა. ISFED-ის ინფორმაციით, ორგანიზაციამ შეისწავლა რექტორის არჩევნებთან დაკავშირებული მასალები და გამოავლინა მნიშვნელოვანი დარღვევები.
