ქობულეთში დასუფთავების სამსახურის თანამშრომლები გაფიცვას აანონსებენ. ისინი მოითხოვენ დაპირებულ მე-13 ხელფასს. მათი თქმით, მერიამ ისინი საახალწლოდ, საჩუქრების გარეშეც დატოვა. ერთ-ერთი მეეზოვე, ნინო მორჩილაძე, წლის ბოლო საკრებულოს სხდომაზე დასწრებასა და საკუთარი მოთხოვნების გახმოვანებას აპირებდა, თუმცა დარბაზში დაცვის თანამშრომლებმა არ შეუშვეს.
“გვიჭირს, დასუფთავებაში რომ ვმუშაობთ ხელფასი თავის დროზე უნდა გვქონდეს, პრემიაც. რომ მიხვალ მერთან, კაბინეტში არავინ შეგიშვებს, დაცვა გაფრთხილებულია. სესხები მაქვს, ძალიან გაჭირვებული ცხოვრება მაქვს. ჯანმრთელობის პრობლემებიც მაწუხებს. სამსახურში ყველა აბუნტებულია, იძახიან დავყრით ცოცხებს და არ გავალთ სამუშაოდო,” – თქვა ჩვენთან საუბრისას ნინო მორჩილაძემ.
როგორც ირკვევა, ქობულეთის მერი დასუფთავების სამსახურის თანამშრომლებს ამ ეტაპზე კონკრეტულ დაპირებას ვერ აძლევს. ლევან ზოიძის განცხადებით, მეეზოვეები პრემიას მომავალი წლის დასაწყისში მიიღებენ, რაც მისი აზრით, მე-13 ხელფასია.
“ყველაფერს ვაკეთებთ ჩვენი თანამშრომლებისთვის. როგორც მეეზოვეებს, ასევე, გამწვანების სამსახურის თანამშრომლებს გავუზარდეთ ხელფასები. დაგეგმილი გვაქვს, რომ იანვრის დასაწყისში ისინი მიიღებენ პრემიას, მე-13 ხელფასია ეგ,”- განაცხადა ქობულეთის მერმა, ლევან ზოიძემ ჩვენთან საუბრისას.
საკრებულოს სხდომაზე, სადაც მეეზოვე არ შეუშვეს და სიტყვით გამოსვლის შესაძლებლობა არ მისცეს ერთ-ერთ საკითხად, ჩინოვნიკები თავიანთი ანაზღაურების გაზრდის შესახებ მსჯელობდნენ. “ქართული ოცნების” დეპუტატების გადაწყვეტილებით, მერიისა და საკრებულოს თანამშრომლებს ხელფასები 10-20% გაეზარდათ.
ინფორმაციისთვის: ჩინოვნიკების ხელფასების შესახებ უფრო მეტს წაიკითხავთ ბმულზე ⇓
ქობულეთის მერიისა და საკრებულოს ჩინოვნიკებს ხელფასები გაეზარდათ
აქვე დაგაინტერესებთ:
- ქობულეთის ვიცე მერის კლასელისა და კურსელის ოჯახის უკანონო მშენებლობა ცენტრალურ პარკში
- “აჭარა თაიმსის” მასალის შემდეგ ქობულეთის ვიცე მერი გაათავისუფლეს
- კიდევ ორი უნებართვო მშენებლობა ქობულეთში, რომელიც მერიამ ვერ აღკვეთა
- კვების უნებართვო ობიექტი ქობულეთის მერის სამუშაო კაბინეტის წინ
- უნებართვო ობიექტი ქობულეთში – რესტორანი “ქართული ოცნების” შემწირველს ეკუთვნის
- ქობულეთის კულტურის სახლის რეაბილიტაცია ვერ სრულდება – მერია კითხვებს გაურბის
- ქობულეთის მერიის მიერ უკანონო მშენებლობების აღკვეთის მიზნით გატარებულმა ღონისძიებებმა პროცესის აღკვეთა ვერ უზრუნველყო – აუდიტი
- ქობულეთში კაფეს პლაჟზე ჩასავლელ კიბეზე აშენებენ – უკანონობაზე მერია არ რეაგირებს
- ქობულეთში ქარსაცავი ზოლი სპეციალისტის რეკომენდაციის გარეშე გაჩეხეს
