“აჭარა თაიმსი” ქობულეთის მუნიციპალიტეტში უნებართვო ობიექტების შესახებ მასალების მომზადებას აგრძელებს. ამჯერად მდინარე კინტრიშის კალაპოტის გასწვრივ, რესტორან “ტარაღანას” შესახებ გიამბობთ.
ობიექტის მშენებლობაზე ნებართვა მუნიციპალიტეტის მერიამ გასცა, თუმცა მეპატრონემ პროექტი დარღვევით შეასრულა. კერძოდ, დროებითი კონსტუქციის ნაცვლად, ტერიტორიაზე ბეტონის ორ სართულიანი რესტორანი ააშენეს. როგორც ჩანს კანონდარღვევაზე ზედამხედველობის სამსახურს რეაგირება არ მოუხდენია.
საჯარო რეესტრის მონაცემების თანახმად, შპს “ტარაღანას” მფლობელები დავით უჯმაჯურიძე და ალექსანდრე წულუკიძე არიან. წულუკიძე “ქართული ოცნების შემწირველია. მან მმართველ პარტიას, სხვადასხვა დროს 180 000 ₾არი შესწირა.
საჯარო რეესტრის მონაცემებით, ალექსანდრე წულუკიძე წილებს ფლობს 15-მდე კომპანიაში, მისი ზოგიერთი ბიზნეს პარტნიორი ასევე “ქართული ოცნების” შემწირველია.
დავით უჯმაჯურიძე ასევე, შპს “სტენლის” დირექტორია, რომლის ორგანიზაციასაც სახელმწიფო შესყიდვებიდან პირდაპირი წესით 4 – 7,342 ₾არი აქვს მიღებული. უჯმაჯურიძე ასევე, შპს “მილიმეტრ ფილმის” დირექტორიცაა. ამ ორგანიზაციასაც სახელმწიფო შესყიდვებში მონაწილეობა უფიქსირდება. პირდაპირი წესით, აღნიშნულ კომპანიას ბიუჯეტიდან 7 – 84,640 ₾არი ჩაერიცხა.
განმარტება: გამარტივებული შესყიდვა არის პროცესი, როდესაც შემსყიდველი არ აცხადებს ღია, კონკურენტულ შესყიდვას და პირდაპირ, მოლაპარაკების საფუძველზე არჩევს კომპანიას ან კერძო პირს, რომელთანაც ხელშეკრულებას აფორმებს. სპეციალისტების შეფასებით, კორუფციისა და ნეპოტიზმის ძირითადი წყარო სწორედ ამ ტიპის ტენდერია.
რატომ არ რეაგირებს ქობულეთის მერი უნებართვო მშენებლობის ფაქტზე ჩვენთვის უცნობია. ლევან ზოიძემ კითხვებს არ უპასუხა. უწყებაში არც ის გვითხრეს გადაამოწმა თუ არა ზედამხედველობის სამსახურმა პროექტთან შეუსაბამო ობიექტი. ჩვენი კითხვები უპასუხოდ დატოვა დავით უჯმაჯურიძემაც. მას შემდეგ, რაც რესტორნის დირექტორს უკანონობაზე ვკითხეთ მან ტელეფონი გათიშა.
ინფორმაციისთვის: ქობულეთში უნებართვო მშენებლობები და უკანონობის მფარველობა არახალია. არაერთ დანაშაულზე სახელმწიფო აუდიტის სამსახურიც წერდა. რეაგირება არცერთ მათგანზე მომხდარა.
აქვე დაგაინტერესებთ: ⇓
- ქობულეთის ვიცე მერის კლასელისა და კურსელის ოჯახის უკანონო მშენებლობა ცენტრალურ პარკში
- “აჭარა თაიმსის” მასალის შემდეგ ქობულეთის ვიცე მერი გაათავისუფლეს
- კიდევ ორი უნებართვო მშენებლობა ქობულეთში, რომელიც მერიამ ვერ აღკვეთა
- ქობულეთის მერიის მიერ უკანონო მშენებლობების აღკვეთის მიზნით გატარებულმა ღონისძიებებმა პროცესის აღკვეთა ვერ უზრუნველყო – აუდიტი
- ქობულეთში კაფეს პლაჟზე ჩასავლელ კიბეზე აშენებენ – უკანონობაზე მერია არ რეაგირებს
- ქობულეთში ქარსაცავი ზოლი სპეციალისტის რეკომენდაციის გარეშე გაჩეხეს
