ბათუმში, აჭარის პოლიციის მთავარ სამმართველოსთან, ჟურნალისტებმა პერფორმანსი გამართეს და ბათუმის პოლიციის უფროსს, ირაკლი დგებუაძეს ტკივილგამაყუჩებლები მიუტანეს.
პერფორმანსის მონაწილეების განცხადებით, ისინი გამოხატავენ პროტესტს ბოლო პერიოდში მედიის წარმომადგენლების მიმართ განხორციელებული ზეწოლის, დაკითხვებისა და უპასუხო სამართალდამცავი ქმედებების წინააღმდეგ.
აქციის ფარგლებში მონაწილეებმა, სიმბოლურად, ტკივილგამაყუჩებლები დეპარტამენტის შენობის წინ დადეს.
