ამ დილით ბათუმში, გორგილაძისა და ვაჟა-ფშაველას ქუჩების გზაჯვარედინზე მომხდარ მძიმე ავტოსაგზაო შემთხვევას ორი ადამიანის სიცოცხლე ემსხვერპლა, რამდენიმე ადამიანი კი დაშავდა.
„აჭარა თაიმსის“ ინფორმაციით, ერთმანეთს მიკროავტობუსი და მსუბუქი ავტომობილი შეეჯახა. ძლიერი შეჯახების შედეგად მიკროავტობუსი ამოყირავდა, ხოლო მსუბუქი ავტომობილი ბათუმის ხელოვნების უნივერსიტეტის შენობის კედელს შეეჯახა.
მიკროავტობუსით ტურისტული ჯგუფი გადაადგილდებოდა. დაშავებულები სასწრაფო სამედიცინო დახმარების ჯგუფმა კლინიკებში გადაიყვანეს.
ფაქტზე შსს-მ გამოძიება სსკ 276-ე მუხლით დაიწყო. დაშავდა ათამდე პირი.
