AJARATIMES.GE-ის ინფორმაციით, ქობულეთში, ცენტრალურ პარკში არსებული კლუბი “ჰავანა” ამ ეტაპზე უნებართვოდ საქმიანობს. საიჯარო ხელშეკრულების თანახმად, რესტორანი 700 კვადრატულ მეტრ ტერიტორიაზე უნდა მოწყობილიყო, თუმცა მეპატრონემ მოცულობა 1 600 კვადრატამდე გაზარდა.
ფაქტი ქობულეთის მერიაში დაგვიდასტურეს, სადაც განმარტეს, რომ კომპანია უკვე 25 ათასი ₾არით დააჯარიმეს, შენობა კი დემონტაჟისთვის შესაბამისს სამსახურს გადაეცა.
როდის დაიწყება კანონდარღვევაზე რეაგირება, ან რატომ არ გააკონტროლა მერიის ზედამხედველობის სამსახურმა ობიექტი მშენებლობის პროცესში – დამატებით კითხვებს უწყებაში არ პასუხობენ.
რესტორნის დირექტორი მიზანმიმართულ ქმედებაზე საუბრობს. დავით მოწყობილის თქმით, ობიექტის განადგურებით მერი, ლევან ზოიძე და აჭარის მთავრობის თავმჯდომარე, თორნიკე რიჟვაძე არიან დაინტერესებულნი. “ჰავანას” დირექტორი კონკრეტულ მიზეზს ვერ ასახელებს, თუმცა ეჭვობს, რომ მისი ობიექტის მომიჯნავედ არსებული რესტორნის ინტერესებს ეწიერება. ამ უკანასკნელს კი ჩინოვნიკები მფარველობენ.
“ნებართვას ვითხოვ და არ მაძლევენ, მათ შორის 3 მილიონიანი ინვესტიციის განხორციელების პირობასაც ვდებ, რასაც არ თანხმდებიან. სად უნდა წავიდეთ ამდენი თანამშრომელი? კეთილსინდისიერად, ყოველწლიურად ვიხდით გადასახადებს. არ მისაბუთებენ იჯარას რატომ არ მიგრძელებენ. დამაჯარიმეს და აღსრულებას გადაეცა, შენობის ნაწილის დემონტაჟი სურთ. გადაწვეტილება გავასაჩივრე და ახლა სასამართლო პროცესი მიმდინარეობს. ახლომდებარე რესტორნის ინტერესს ვხედავ ამ პროცესში, ამბობენ ზღვის ხედს უფარავო. ლევან ზოიძე და თორნიკე რიჟვაძე ეხმარებიან, მათი ინტერესიცაა როგორც ჩანს. დირექტივა იქედან მოდის,” – განუცხადა დავით მოწყობილმა “აჭარა თაიმსს”.
ინფორმაციისთვის: ქობულეთში უნებართვო მშენებლობები და უკანონობის მფარველობა არახალია. არაერთ დანაშაულზე სახელმწიფო აუდიტის სამსახურიც წერდა. რეაგირება არცერთ მათგანზე მომხდარა.
აქვე დაგაინტერესებთ: ⇓
- ქობულეთის ვიცე მერის კლასელისა და კურსელის ოჯახის უკანონო მშენებლობა ცენტრალურ პარკში
- “აჭარა თაიმსის” მასალის შემდეგ ქობულეთის ვიცე მერი გაათავისუფლეს
- კიდევ ორი უნებართვო მშენებლობა ქობულეთში, რომელიც მერიამ ვერ აღკვეთა
- კვების უნებართვო ობიექტი ქობულეთის მერის სამუშაო კაბინეტის წინ
- უნებართვო ობიექტი ქობულეთში – რესტორანი “ქართული ოცნების” შემწირველს ეკუთვნის
- ქობულეთის კულტურის სახლის რეაბილიტაცია ვერ სრულდება – მერია კითხვებს გაურბის
- ქობულეთის მერიის მიერ უკანონო მშენებლობების აღკვეთის მიზნით გატარებულმა ღონისძიებებმა პროცესის აღკვეთა ვერ უზრუნველყო – აუდიტი
- ქობულეთში კაფეს პლაჟზე ჩასავლელ კიბეზე აშენებენ – უკანონობაზე მერია არ რეაგირებს
- ქობულეთში ქარსაცავი ზოლი სპეციალისტის რეკომენდაციის გარეშე გაჩეხეს
